Sýningin

                                                                     Ljósmynd: Guðmundur Ari              

Jæja, ég er komin heim frá New York. Það var svaka stuð og mikið að sjá. Kom heim föstudagsmorgun og fór beint heim að sofa. Vaknaði síðan og fór að hafa mig til fyrir sýningu kvöldsins, sem var auðvitað vorsýningin okkar í Iðnó. Sýningin var alveg mögnuð! Hún heppnaðist alveg frábærlega, kannski fyrir utan tvö tæknileg atriði eins og gerist svo oft. Það var alveg frábært að hafa byrjendur og framhald1 stelpunar með. Þær stóðu sig alveg frábærlega og mér sýndist þær skemmta sér konunglega. Sólóin voru æði. Allar voru með spuna, þannig að það var allt voða spennandi að sjá. Ég var ekki búin að æfa mig neitt, enda lítill tími til þess í NY, en ég held að mér hafi gengið alveg ágætlega. Ég var allavega alveg að fíla mig þarna á sviðinu hahaha. Set eina mynd með. Það voru tveir ljósmyndarar að taka myndir og nú munum við fá að sjá mikið af geggjuðum myndum, miðað við sýnishornin sem ég er búin að sjá. En við erum ekki búnar að fá þær enþá. Ég set þær á bellydance.is alveg um leið og það gerist.