Þjóðahátið Alþjóðahússins

25.2.2006 | 21:32

Þjóðahátið Alþjóðahússins

Fjölbreytt menning og mannlíf - Blómavalshúsið við Sigtún.

Markmið Þjóðahátíðarinnar er að kynna það fjölmenningarlega samfélag sem Íslandi er í dag og hvaða áhrif fólk af erlendum uppruna hefur á samfélagið; hvernig það auðgar menningu okkar og stuðlar að fjölbreyttara mannlífi. Meðþessu er jafnframt verið að auka skilning milli fólks af ólíkum uppruna og leggja því starfi lið sem miðar að friðsamlegu fjölmenningarlegu samfélagi á Íslandi. Matur verður áberandi líkt og áður á hátíðinni, en jafnframt munu kynntir ýmsir menningarmunir, ljósmyndir, tónlist, fatnaður og fleira. Gestum býðst að smakka framandi rétti, en einnig verður mögulegt að kaupa matvæli og minjagripi frá viðkomandi landi.

Samhliða þessu verður boðið upp á fjölbreytt og fjölmenningarleg skemmtiatriði á sviði í umsjón Kramhússins. Kaffihús með veitingar á vægu verði.

Við verðum semsagt að dansa þarna 2 atriði og Sabah verður líka með eitthvað. Reikna með að við séum að sýna um 4 leitið (fyrst kl 15.20 og svo aftur 16.10) og vona ég að fólk kíki við og skoði sig um í leiðinni. Öruglega margt spennandi að sjá þarna. Mér skilst að Magadanshúsið verði líka með atriði, þannig að það er óhætt að segja að það verði nóg um magadansinn. Ég ætla að reyna a kíkja á þær, ef ég kemst einhverntíman að því klukkan hvað þær eru. Kíki kannski við og vona bara að ég verði heppin, veit ekki hvort ég geti verið þarna allann daginn.... Amma mín ætlar annars að koma að sjá mig. Hún hefur aldrei komið áður, en þar sem hún býr í hverfinu þá getur hún núna bara rölt yfir. Ég var í heimsókn hjá henni í gær og sá þá að hún var með mynd af mér í magadansbúning sem hún hafði klippt út ur blaði, innrammaða uppi á vegg. Ekkert smá sætt